ຄຳວ່າພັນສາ ຫຼື ວັດສາ ໄດ້ແກ່ປີ ຫຼືລະດູຝົນ ຄຳວ່າເຂົ້າຄືເຂົ້າໄປຢູ່ປະຈຳບ່ອນໃດບ່ອນໜຶ່ງ ຕະຫຼອດ 3 ເດືອນໂດຍບໍ່ໄປຄ້າງຄືນ ຫຼືແຮມຄືນບ່ອນໃດ ປີ ໜຶ່ງມີກຳໜົດ ສອງເທື່ອຄື: ປຸຣິມິກາ ວັສສູປະນະນີກາ ເຂົ້າພັນສາຕົ້ນ ເລີ່ມແຕ່ມື້ແຮມ 1 ຄ່ຳເດືອນ 8 ຕາມປົກກະຕິມາດ ຖ້າເປັນອະທິກະມາດ ຄື 8 ສອງຫົນ ແມ່ນເຂົ້າພັນສາມື້ແຮມ 1 ຄ່ຳເດືອນແປດທີ່ສອງ ປັດສິມພັນສາ ຄືເຂົ້າພັນສາທີ 2 ເມື່ອພິກຂຸສົງບໍ່ທັນເພາະເຫດຈຳເປັນໃນການອະທິຖານເຂົ້າພັນສາແຮກ ກໍ່ເຂົາພັນສາຫຼັງ ເລີ່ມແຕ່ແຮມ 1ຄຳເດືອນ 9 ແລ້ວໄປອອກມື້ 15 ຄ່ຳເດືອນ 12 ບຸນເຂົ້າພັນສາຈິ່ງເປັນບຸນປະຈຳເດືອນ ແປດລາວ ຕາມຮີດ 12
ຄຳອະທິຖານເຂົ້າພັນສາ
ອິມັສມິງ ອາວາເສ ອິມັງ ເຕມາສັງ ວັສສັງ ອຸເປມິ ຖ້າຫຼາຍອົງກ່າວພ້ອມກັນວ່າ ອຸເປມະ
ມູນເຫດແຫ່ງການເຮັດບຸນ
ມີເລື່ອງເລົ່າໄວ້ໃນວັດສຸປະນະຍິກາຂັນທະກະວ່າ ພິກຂຸບໍລິສັດທ່ຽວໄປໃນຊົນນະບົດບໍ່ມີເວລາພັກຜ່ອນ ທັງສາມລະດູ ໂດຍສະເພາະລະດູຝົນ ເຊິ່ງແມ່ນລະດູທີ່ຊາວນາເຮັດການຜະລິດປູກຝັງ ພຣະພິກຂຸເຫຼົ່ານັ້ນໄດ້ສັນຈອນໄປຢຽບເຂົ້າກ້າຂອງຊາວນາ ແລະຢຽບສັດນ້ອຍໃຫຍ່ໄດ້ຕາຍ ໄປ ດັ່ງນັ້ນພຣະພຸດທະເຈົ້າຈິ່ງຊົງອະນຸຍາດໃຫ້ພຣະສົງເຂົ້າຈຳພັນສາ ຢູ່ບ່ອນໃດບ່ອນໜຶ່ງ ຕາມພຸດທະປະເພນີຕະຫຼອດ 3ເດືອນ ໃນລະດູຝົນໂດຍບໍ່ໄດ້ໄປແຮມຄືນບ່ອນໃດ ເພື່ອສຶກສາພຣະທັມວິນັຍ ຖ້າໃຜຂາດພັນສາຕ້ອງອາບັດທຸກກົດ
ຂໍ້ຍົກເວັ້ນໃນພັນສາ
ເວັ້ນເສັຍແຕ່ມີກິດທຸລະຈຳເປັນ ເຊັ່ນ ອຸປັຊຊາ ມານດາ ບິດາ ປ່ວຍໄຂ້ ໄປລະງັບ ຫ້າມ ພຣະພິກຂຸສາມະເນນທີ່ຢາກຈະລາສິກຂາ ໄປເພື່ອກິດທຸລະຂອງຄະນະສົງ ເຊັ່ນໄປຫາອຸປະກອນສ້າງວັດ ຫຼື ໄປເພື່ອສັງຄະກຳ ເຊັ່ນປະຣິວາດ ພໍ່ອອກແມ່ອອກນິມົນໄປ ເທດສະໜາທັມ ແຕ່ໄປໄດ້ບໍ່ໃຫ້ເກີນ 7 ມື້ ເອື້ນວ່າສັດຕະຫະ ສັຕຕາຫະກະຣະນີຍັງ ກິຈຈັງ ເມ ອັຕຖິ ຕັສມາ ມະຍາ ຄັນຕັພພັງ ອິມັສມິງ ສັຕຕາຫັພພັນຕະເຣ ນິວັຕຕິສສາມິຯ
0 ความคิดเห็น:
แสดงความคิดเห็น