#ການຂົ່ມໃຈ ການທຳຄວາມດີນີ້ ອາດຄິດວ່າ ມັນເປັນການປິດກັ້ນອິດສະຫຼະພ າບທາງຈິດໃຈ ເປັນການຜູກມັດກັກຂັງຄວາມຄິດ ຈິດໃຈ ຊັ້ນບໍ ?
ຈະຂໍຍົກຕົວຢ່າງເປັນຂໍ້ຄິດ ໃນນິຍາຍອິງທັມມະ
ເລື່ອງ #ລີລາວະດີ ປະພັນໂດຍ ວະສິນ ອິນທະສະຣະ
ຕອນ: ບົດສົນທະນາລະຫວ່າງພຣະເຣວະຕະ ກັບນັກບວດພະເນຈອນຄົນໜຶ່ງ
ຂະນະທີ່ພຣະເຣວະຕະ ສົນທະນາທັມກັບນັກບວດພະເນຈອນ
ສົນທະນາໄປໄດ້ຄາວໜຶ່ງ ນັດບວດນັ້ນ ກໍ່ຂຶ້ນໄປເທິງຕົ້ນໄມ້ ເຮັດທ່າຂວັກມືໄປມາ ແລ້ວກັບລົງມາສົນທະນາຕໍ່ ແລະກໍ່ເປັນຢູ່ແນວນີ້ ເຖິງສາມຄັ້ງ ພຣະເຣວະຕະ ຈຶ່ງຖາມວ່າ ທ່ານເປັນນັກບວດປະເພດໃດກັນ ມີຂໍ້ປະຕີບັດແປກໆ ຂ້າພະເຈົ້າບໍ່ເຄີຍເຫັນມາກ່ອ ນ ?
#ນັກບວດ : ຂ້າພະເຈົ້າມີຂໍ້ປະຕິບັດທີ່ບ ໍ່ແນ່ນອນ ຄິດຢາກທຳສິ່ງໃດ ປະຕິບັດແບບໃດ ກໍ່ທຳແບບນັ້ນໄປໂລດ ບໍ່ມີຂໍ້ຜູກມັດດ້ານຂໍ້ວັດ ແລະກົດລະບຽບໃດໆທັງສິ້ນ ຄິດຢາກໄຫວ້ດວງຕາເວັນກໍ່ໄຫວ້ ຢາກໄຫວ້ສິ່ງໃດ ກໍ່ໄຫວ້ສິ່ງນັ້ນ ບໍ່ແນ່ ຖ້າຂ້າພະເຈົ້າຢາກຈະໄຫວ້ປາໃນ ນ້ຳ ກໍ່ຈະມຸດນ້ຳລົງໄປໄຫວ້ ຈິດໃຈຂອງຂ້າພະເຈົ້າ ໄດ້ຊື່ວ່າ ເປັນອິດສະຫຼະໂດຍແທ້ ໄດ້ທຳຕາມປາດຖະນາທຸກປະການ ແຕກຕ່າງຈາກນັກບວດອື່ນໆ ລວມທັງທ່ານດ້ວຍ ທີ່ຕ້ອງຢູ່ໃນກອບຂອງຂໍ້ບັງຄັ ບ ທີ່ຄົນອື່ນເຊິ່ງຮຽກວ່າ ອາຈານ ບັນຍັດບັງຄັບໄວ້ ຢາກທຳສິ່ງໃດ ກໍ່ບໍ່ອິດສະຫຼະ ຕ້ອງຂົ່ມໃຈ ອົດກັ້ນ ນັ້ນເປັນການປິດກັ້ນອິດສະຫຼະ ພາບທາງໃຈ ໂດຍແທ້ທີດຽວ.
#ພຣະເຣວະຕະ : ແມ່ນຢູ່ວ່າ ການຢາກທຳສິ່ງ ຊອບໃຈສິ່ງໃດ ແລ້ວທຳໃນສິ່ງນັ້ນໆ ຄືຄວາມອິດສະຫຼະ ແຕ່ແມ່ນຫຍັງເປັນຕົວສັ່ງວ່າ ຢາກທຳສິ່ງນັ້ນ ບໍ່ຢາກທຳສິ່ງນີ້ ນັ້ນຄືຕັນຫາ ຄວາມຢາກ ນັ້ນແຫຼະເປັນນາຍຄອຍສັ່ງ ໄຫຼໄປດ້ວຍອຳນາດຕັນຫາ ກໍ່ສະແດງວ່າ ຍັງມີສິ່ງຄອຍຄວບຄູມຈິດໃຈອີກ ຊັ້ນໜຶ່ງ ຍັງເປັນທາດຂອງຕັນຫາຢູ່ນັ້ນເ ອງ ການໄປດ້ວຍອຳນາດຕັນຫາ (ອູໂນ ໂລໂກ ຕັນຫາທາໂສ) ໃຫ້ຜົນທາງຈະເລີນກໍ່ມີ ໃຫ້ຜົນທາງເສື່ອມກໍ່ມີ ເມື່ອມະນຸດຫວັງສະເພາະຄວາມຈະ ເລີນເທົ່ານັ່ນແມ່ນບໍ່ ແຕ່ບໍ່ສາມາດຄວບຄຸມອຳນາດຕັນຫ າທີ່ຊັກຈູງໄປໃນທາງເສື່ອມ ເປັນທາງປະມາດໃນຊີວິດ ເກີດຜົນທາງໄຮ້ປະໂຫຍດ ເຊັ່ນ ການທຳຕາມອຳນາດຕັນຫາ ດ້ວຍ-
ການບຽດບຽນຜູ້ອື່ນ(ສີລຂໍ້ທີ1 )
ການໂກງຄົນອື່ນ (ສີລຂໍ້ທີ2)
ການແຍ່ງຊິງຄູ່ຄອງ (ສີລຂໍ້ທີ3)
ການເວົ້າຕົວະຫຼອກລວງ (ສີລຂໍ້ທີ4)
ການຕິດໃນລົດຊາດເປັນເຫດໃຫ້ຂາ ດສະຕິ (ສີລຂໍ້ທີ5)
ຜົນປາຍທາງທີ່ຕາມມາລ້ວນເປັນຜ ົນເຜັດຮ້ອນ ເດືອດຮ້ອນໃຈໃນພາຍຫຼັງ ເປັນຮ້ອນນອນທຸກ ເປັນທາງເສື່ອມປິດກັ້ນທາງເກີ ດສະຕິປັນຍາ ເຖິງເຈົ້າຟ້າເຈົ້າແຜ່ນມີອຳນ າດສັ່ງໃຜໃຫ້ຢູ່ຫຼືໃຫ້ຕາຍກໍ່ ໄດ້ ແຕ່ຍັງບໍ່ພົ້ນອຳນາດຕັນຫາ ເມື່ອປ່ອຍໃຈໃນທາງເສື່ອມແລ້ວ ຍ່ອມໄດ້ຮັບຜົນບໍ່ຕ່າງກັນ
ນີ້ຫຼືຄື ຄວາມອິດສະຫຼະທາງໃຈ ທີ່ໂຫຍຫາ ???
ບັນທິດທັງຫຼາຍ ຈຶ່ງຮູ້ທາງຄວນທຳ ທາງທີ່ຄວນເວັ້ນ ມີຂໍ້ປະຕິບັດ ຄອຍຄວບຄຸມໃຈ ບໍ່ໃຫ້ໄຫຼໄປຕາມອຳນາດຕັນຫາ ປິດທາງບາບ ເປີດທາງບຸນ ແປງທາງໃຫ້ໃຈໄດ້ມີອິດສະຫຼະເຕ ັມທີ່ໃນມັຄຄາແຫ່ງປັນຍາ ເປັນອິດສະຫຼະຈາກເຄື່ອງຂ້ອງຄ າຈາກຄວາມຮ້ອນໃຈ ເໝືອນຄົນປ່ວຍໂຊ ຮູ້ອາຫານທີ່ຄວນກິນ ແລະເວັ້ນອາຫານສະແຫຼງ ເພື່ອຫາຍຂາດຈາກໂຣຄ ມີສຸຂະພາບກາຍດີ ມີຄວາມສຸກ ສະນັ້ນ.
ພຣະມະຫາສິງຫາ ໄຂ່ອຳພອນ
23/10/2018
ທີ່ວັດອົງຕື້ ນະຄອນຫຼວງວຽງຈັນ
0 ความคิดเห็น:
แสดงความคิดเห็น